Pages

Thursday, April 11, 2013

ခေတ်ကြီးက အဖျားတာရှည်နေတယ်....

အရင်လို ဘာမီတွန်၊ ပါရာလောက်နဲ့ မရတော့ဘူး
ဆေးပြင်းပြင်းတစ်လုံးလောက်အွန်မှ ဖြစ်တော့မယ်
ခေတ်ကြီးက အဖျားတာရှည်နေတယ်.....

အိတ်ခ်ျဝမ်းအန်န်ဝမ်း ၊အိတ်ခ်ျဖိုက်အန်န်ဝမ်း
ပြောက်ကျားတပ် ၊ လေကြောင်းစစ်ဆင်ရေး ၊ ပြည်တွင်းစစ်
လိုင်ဇာကို ထမင်းထုပ်ပို့ရအုန်းမယ်....
ခေတ်ကြီးက အဖျားတာရှည်နေတယ်....

ပလက်ဖောင်းဈေးသည်များ ၊ ဘတ်စ်ကားများ ၊ တက္ကဆီများ
မှောင်ရိပ်အောက်မှ နှုတ်ခမ်းနီပြယ်စ ညဥ့်ငှက်မလေးများ
အိမ်တစ်ဆောင်မီးတစ်ပြောင်နှင့် စိန်ရောင်ရွှေရောင်တောက်နေသော အချစ်တော်ကလေးများ
“ ငါးထောင်ပဲ ပေးပါအစ်ကိုရယ် ” “ ကျွန်မတို့က အနည်းဆုံး သိန်းငါးဆယ်ပဲ ”....
တန်ဖိုးတွေ တက်နေတယ် / တန်ဖိုးတွေကျနေတယ်
ခေတ်ကြီးက အဖျားတာရှည်နေတယ်....

ကဗျာဆရာတွေ သူခိုးမဖမ်းကြနဲ့
သူခိုးတွေလည်း ကဗျာဆရာကို မဖမ်းကြနဲ့
အနုပညာဆိုတာ မုဒိတာတရားနဲ့ ဝေမျှခံစားစရာ
ဝိသမလောဘတွေ ကျောမမတက်စေကြနဲ့
ခေတ်ကြီးက အဖျားတာရှည်နေတယ်...

စစ်ပွဲတွေမဖြစ်ကြနဲ့
ဘာသာရေးတိုက်ပွဲတွေ မဖြစ်ကြနဲ့
အရည်မရအဖတ်မရ အငြင်းအခုန်တွေမဖြစ်ကြနဲ့

Enter တစ်ချက်ခေါက်ရုံနဲ့ သူရဲကောင်းတွေဖြစ်နေကြတဲ့ ၂၁ ရာစုမှာ
“သတ္တိ” ဆိုတာ အရေပြားထက်ကတက်တူးရာ
အပ်နဲ့ထွင်းရမှာ ပုဆိန်နဲ့မပေါက်ချင်ကြနဲ့
ခေတ်ကြီးက အဖျားတာရှည်နေတယ်...

ကဗျာဆရာတွေ ရန်မဖြစ်ကြနဲ့ ....
ကဗျာဆရာတွေ ရန်မဖြစ်ကြနဲ့ ....
ကိုယ့်ထမင်းကိုယ်စားပြီး ကိုယ့်ကဗျာကိုယ်သာ ရွတ်နေ
ကမ္ဘာကြီးမီးလောင်နေတောင် ကဗျာရွတ်မပျက်နဲ့
အခြေအနေမကောင်းရင် ရူးချင်ယောင်ဆောင်တန်ဆောင်ရမယ်
ခေတ်ကြီးက အဖျားတာရှည်နေတယ်....

အရင်လို ဘာမီတွန်၊ ပါရာလောက်နဲ့ မရတော့ဘူး
ဆေးပြင်းပြင်းတစ်လုံးလောက်အွန်မှ ဖြစ်တော့မယ်
ခေတ်ကြီးက အဖျားတာရှည်နေတယ်......။ ။

သစ္စာခ
၈/၄/၂၀၁၃ ( တနင်္လာ )

အဲ့ဒီအချိန်လောက်ဆို ရင်ဘတ်ထဲကအလွမ်းစိုက်ခင်းမှာ သစ္စာရနံ့တွေ သင်းနေလောက်ပြီ ...ဇော်

အစီအစဉ်မကျတာကိုက အစီအစဉ်တကျပါပဲ
ဖြစ်တည်မှုတိုင်းဟာ နေသားတကျဖြစ်လို့ ...
နင့်အကြောင်းကိုတွေးတိုင်း စိတ်ရင်ပြင်တစ်ခုလုံးအေးမြငြိမ်းချမ်းလို့....
နင်ဟာ ဘုရားသခင်ချီးမြှင့်အပ်သော င့ါရဲ့ကိုယ်တစ်ခြမ်းပဲ .. ဇော်။

Engaged တစ်ယောက်ဟာ Single ဘဝရဲ့လွတ်လပ်မှုတွေကို ပြန်မရဘူး
အဲ့ဒီလွတ်လပ်ခွင့်မရှိတဲ့ဘ၀မှာပဲ ရူးမိုက်စွာမွေ့လျော်တတ်ခဲ့တယ်
ကမ္ဘာပြိုမှာထက် နင့်မျက်နှာညိုမှာကို ငါ ပိုကြောက်တတ်ခဲ့တယ်..ဇော်။

င့ါတစ်နေ့တာကို သုံးပုံ ပုံမယ်
နှစ်ပုံမှာ နင့်အကြောင်းတွေတွေး ကဗျာရေးမယ်
ကျန်တဲ့တစ်ပုံက ငါ့အနားမှာ နင်ရှိနေတယ်
ကဲ.. ဘာများထပ်ပြီးလိုအပ်သေးသလဲကွယ်....။

လူသားတိုင်း ကံကြမ္မာပေါက်ဂဏန်းကို လိုက်ဖမ်းနေကြရတာပဲ
ငါတို့မနက်ဖြန်ဟာ သာယာချင်သာယာလိမ့်မယ် / သာယာချင်မှလည်း သာယာလိမ့်မယ်
ငါတို့ရဲ့ ပေါင်းစည်းခြင်းမှာ ပန်းတွေခင်းသလို ဆူးတွေလည်းနင်းကြရမှာပဲ
( ဒါ.. ငါမျှော်လင့်ပြီးသားပါ )
ဓနိမိုးထရံကာမှာ နှီးချောဖျာမပါရင်တောင်
နင့်အရိပ်အောက်မှာဆို ငါ နေပျော်/သေပျော် တယ် ဇော်။

ကောင်းကင်ကိုမော့ငေး အနာဂတ်ကို တစ်ချက်တွေးလိုက်ပါ ဇော်...

မိုးကုတ်စက်ဝိုင်းရဲ့ အရှေ့ယွန်းယွန်းမှာ
ငါတို့တယုတယပေါင်းသင်ပျိုးနှုတ်ခဲ့တဲ့ အိပ်မက်စိုက်ခင်းကလေးရှိမယ်...။

ငါတို့ တခုတ်တရ စကားစပ်ပြောမပြဖြစ်ကြတဲ့
“အချစ်”ဆိုတဲ့အကြောင်းအရာ ရှိမယ်..။

ရင်ဘတ်ချင်းသိနားလည်ပြီးသား သစ္စာတရားတွေရှိမယ်..။

တစ်ခါတစ်ရံ ဒီဘက်ခေတ်အတွဲတွေသုံးနေကျ ဒိုင်ယာလေ့ာဆန်ဆန်စာသားတွေရွတ်ရွတ်ပြပြီး
ဟားတိုက်ရယ်မောပစ်ကြအုန်းမယ် ...။
(တစ်ယောက်ကို တစ်ယောက်မျက်နှာပူပြီး ရှက်ကိုးရှက်ကန်းဖြစ်ချင်ဖြစ်နေကြဦးမယ်...)

ငွေလရောင်ဖြန်း ညချမ်းတွေများဆို
ခြံထဲကဒါန်းဖြူဖြူကလေးမှာ နင့်ပုခုံးထက် င့ါခေါင်းကိုမှေး အိမ်အပြင်ဘက်ကိုငေးလို့
ရှေ့ရေးနောက်ရေး ဆွေးနွေးဖြစ်ကြမယ်...။

နင်အလုပ်သွားဖို့ပြင်ဆင်နေချိန်မှာ ငါကမနက်စာအတွက်ပြင်ဆင်လို့..
နင်ပြန်လာချိန်ဆို သနပ်ခါးအဖွေးသားနဲ့ အိမ်ပေါက်ဝမှာ အပြေးကလေးကြိုလို့...
နင်ရေချိုးရင် ငါက အ၀တ်အစားအသင့်ပြင်ပေး/ ရေစိုနေတဲ့နင့်ဆံပင်တွေကိုသုတ်ပေးလို့...

အပူအပင်ကင်းစွာအိပ်မောကျနေချိန်ဆို
နင့်မျက်နှာပြင်လေးကို (မတို့မထိရက်စွာ)တိတ်တိတ်ကလေးထိုင်ငေးလို့...

အိမ်သန့်ရှင်းရေးအတူတူလုပ်လို့ ....
ခြံထဲကပန်းပင်တွေကို ရေလောင်းပေါင်းသင်လို့...
တစ်ပတ်တစ်ခါ ဘုရားအတူတူသွားလို့.... .

ငါလဲကျချိန်မှာ နင်ကတွဲထူလို့....
နင်လဲကျချိန် ငါကဖေးကူလို့....

ဘဝနေညိုချိန်ထိတိုင် နင့်ရဲ့လက်ကိုကိုင်ဆွဲ
ကံကြမ္မာကသားရဲတွင်းဖြစ်ခဲ့ရင်လည်း  နောက်မလှည့်တန်းခပ်ရဲရဲဖြတ်သန်းမယ်..။

ဘာဆိုဘာမှမလိုပါဘူးကွယ်......
ငြိမ်းချမ်းခြင်းတွေလွှမ်းခြုံ ဟော့ဒီအေးရိပ်မြုံမှာ....
နင် ရယ်...... ငါ ရယ်.........
သူ မ သေး သေး က လေး ရယ် .... .....။ ။

သစ္စာခ
10/4/2013 (WED)

Wednesday, March 27, 2013

တေလေ (၄)

ကျွန်တော်က တိမ်စိုင်တစ်စပါ မေမေ
လေပြေညင်းလာတဲ့အခါ အသာအယာရွှေ့
လေပြင်းမွှေ့တဲ့အခါ ခပ်သုတ်သုတ်မျောပါ
ဘဝမှာ သာသာယာယာ/ကဗျာကယာ....။

ကိုယ့်နာမည်ကိုစာလုံးပေါင်းတတ်ကတည်းက
အပြုံးတုတစ်ခုကိုဆင်မြန်း
နှလုံးသွေးခမ်းအောင်ငိုခဲ့ဖူးတယ်....။

ကျွန်တော်ဟာ လူလိမ်ပါ....
စိတ်တွေအပိုင်းပိုင်းသေနေတာတောင်မှ
ပျော်ရွှင်ခြင်းတွေသာရရှိနေသယောင်
ပီပီပြင်ပြင်သရုပ်ဆောင်ခဲ့ဖူးတယ်....
ဟန်ဆောင်ခြင်းဆိုတာ ကျွန်တော်ကျွမ်းကျင်ရာ အတတ်ပညာတစ်ခုပါမေမေ...။

ဟုတ်တယ်......
သူတို့ပြောသလို... ကျွန်တော်က အရိုင်းအစိုင်းတစ်ကောင်...
ခွေးလေခွေးလွင့်တစ်ကောင်လို ခြံဝကမောင်းထုတ်ခံခဲ့ရတာတောင်မှ
ဟော့ဒီရင်ဘတ်က သွေးသားစိတ်မွေးနေတုန်း
ကန်တော့ပန်းဆင်ဦးထိပ်တင်ဖို့ တွေးမိနေတုန်း....။

လောကဓံမုန်တိုင်း လှိုင်းကြမ်းပင်လယ်ထဲမှာ
ရွက်မပါ တက်ဗလာနဲ့ ကိုယ့်ကိုယ်ကိုပြန်မျှောခဲ့တဲ့ ကောင်ပါ....
ရေနစ်သေချင်တာတောင်မှ ဝါးကူထိုးပေးမယ့်သူ တစ်ယောက်တစ်လေတောင်မရှိခဲ့ဘူး..။

မငိုပါဘူး....
ကျွန်တော် မငိုပါဘူးမေမေ....
ဖေဖေ့ရဲ့သွေးနဲ့ မေမေမွေးထုတ်ပေးခဲ့တဲ့ ကျွန်တော်
ကြယ်ရင်ပြင်အောက်မှာပျော်လို့....
ကောင်းကင်ကိုထိုးဖောက် စင်္ကြာပြင်ထိခရီးရောက်စေမယ်...

တေလေတစ်ယောက်ကလည်း
နေရောင်ခြည်ကို မော့သောက်နိုင်ပါတယ် မေမေ....။ ။

သစ္စာခ
၂၆/၃/၂၀၁၃(အင်္ဂါနေ့ )

DIVORCE

Scene 1:

ပျော်ရွှင်ခြင်း တစ်ယောက်တစ်ဝက်...
ကြင်နာခြင်း တစ်ယောက်တစ်ဝက်...
ချစ်မြတ်နိုးခြင်း တစ်ယောက်တစ်ဝက်...

Scene 2:

မယုံကြည်ခြင်း  တစ်ယောက်တစ်ဝက်...
လိမ်ညာခြင်း တစ်ယောက်တစ်ဝက်..
လစ်လျူရှုခြင်း တစ်ယောက်တစ်ဝက်...

Scene 3:

ငိုကြွေးပူဆွေးခြင်း တစ်ယောက်တစ်ဝက်..
ပြစ်တင်ရန်လိုခြင်း တစ်ယောက်တစ်ဝက်...
စိမ်းကားအေးစက်ခြင်း တစ်ယောက်တစ်ဝက်...

Scene 4:

ဥပေက္ခာပြုခြင်း တစ်ယောက်တစ်ဝက်...
စိတ်နာကျည်းခြင်း တစ်ယောက်တစ်ဝက်..
အတူမနေလိုခြင်း တစ်ယောက်တစ်ဝက်...

Scene 5:

လွမ်းဆွတ်ခြင်း တစ်ယောက်တစ်ဝက်...
အထီးကျန်ခြင်း တစ်ယောက်တစ်ဝက်...
နှလုံးသားသွေးစိမ်းရှင်ရှင်ထွက် .... တစ်ယောက်တစ်ဝက်... ... ။ ။




သစ္စာခ
12/3/2013(TUE)

စေတန်ဝှက်ထားတဲ့ ငါ့ရဲ့ကိုယ်တစ်ခြမ်း


                                (၁)
ကောင်းကင်ကိုပဲမော့မော့ငေးနေလို့ အောက်ခြေလွတ်သူမထင်လိုက်ပါနဲ့
ကမ္ဘာတစ်ဖက်ခြမ်းက ခင်ဗျားအရိပ်ကိုမှန်းမျှော်
(ငယ်ငယ်ကလို )
တိမ်ပန်းချီတွေထဲမှာပျော်လို့
ခင်ဗျားဟာ ကျွန်တော့်အတွက် နတ်ဖန်ဆင်းတဲ့တိမ်စိုင်တစ်စင်းဖြစ်တယ်။

                               (၂)

ကိုယ့်ကိုယ်ကိုထက် ခင်ဗျားဘက်ကိုသာငဲ့ကြည့်နေခဲ့သူပါ....
နက္ခတ်ပညာရှင်က ကြယ်တွေကိုကြည့်သလိုမျိုး
ခင်ဗျားရဲ့မျက်နှာရိပ်ကိုကြည့် အတွင်းစိတ်အထိသိအောင်
နှလုံးသားကို နှလုံးသားနဲ့ အဖတ်ကျင့်ခဲ့တယ်။


                                 (၃)

မိုင်ထောင်ချီဘယ်လောက်ဝေးဝေး
ရင်ဘတ်ချင်းနီးခဲ့ရင် ဘယ်တော့မှသွေးမအေးဘူးကွယ်
အနားမှာခင်ဗျားရှိတယ်ဆိုတဲ့အသိနဲ့တင် ရင်ထဲမှာ အလိုလိုနွေး
ဆုံဆည်းခွင့်ဆိုတဲ့အတွေးနဲ့ .....
သစ္စာတရားကိုခြုံ .....
ချစ်သူအရိပ်နဲ့ စိတ်မှာလုံတယ်။

                                 (၄)

မွှေးမြသောချစ်ခြင်းရနံ့ကိုဆောင်ကျဉ်း
ချစ်လှစွာသောလေပြည်ညင်းကလေးရေ.....
ခင်ဗျားဟာကျွန်တော့်ရဲ့ ရှင်သန်ခြင်း
ခင်ဗျားဟာကျွန်တော့်ရဲ့ အသက်ဝိဥာဉ်
ခင်ဗျားဟာကျွန်တော့်ရဲ့ကြယ်တာရာ
ကျွန်တော့်ကမ္ဘာမှာခင်ဗျားဟာ အေးမြတဲ့ငွေစန္ဒာ
ဘုရားသခင်ချီးမြှင့်အပ်သော ကျွန်တော့်ရဲ့ကိုယ်တစ်ခြမ်းပါ။

                               (၅)

“ချစ်တယ်”ဆိုတဲ့စကားလုံးထက် ပိုတာရှိရင်
ခင်ဗျားကိုပြောချင်တယ်...
ထာဝရထက် တစ်ရက်ပိုချစ်မယ်။ ။

သစ္စာခ
19/2/2013(TUE)

Conflict ( ပဋိပက္ခ)

    (၁)

“ခွမ်း”
ဖန်ခွက်နှင့်နံရံထိမှန်သံ
ဖန်ခွက်အပိုင်းအစများ
အော်ဟစ်ပေါက်ကွဲသံများ
ဒေါသတကြီးတောက်ခတ်သံ
တံခါးဆောင့်ပိတ်သံ
ခြေသံပြင်းပြင်းကြမ်းခင်းပေါ်နင်းလျှောက်သွားသံ
ရှိုက်သံသဲ့သဲ့
အရာအားလုံး တိတ်ဆိတ်... ငြိမ်သက်...။

    (၂)

နွေးထွေးမှု = ဗလာ
ခံစားချက် = ဗလာ
အချစ် = ဗလာ
အမုန်း = ဗလာ
ဥပေက္ခာ

    (၃)

စာချုပ်နှစ်စောင်
ဖောင်တိန်နှစ်ချောင်း
အနက်ရောင်တိုက်ပုံဝတ်လူတစ်ယောက်
အရင်းနှီးဆုံးသူစိမ်းနှစ်ယောက်
ကြိုးမိန့်ကျနှလုံးသားတစ်စုံ
ကွာရှင်းပြတ်စဲခြင်း....။ ။


*** တစ်ကြိမ်ထဲသောပဋိပက္ခမုန်တိုင်းကပဲ အနီးကပ်ဆုံးလူနှစ်ယောက်ကို အဝေးဆုံးဖြစ်အောင် တွန်းပို့နိုင်တယ်။***

သစ္စာခ
20/2/2013(WED)

တေလေ(၃)

ခါးသက်သက်ကော်ဖီတစ်ခွက်....
ဖရိုဖရဲ ပြန့်ကျဲနေသော စာအုပ်များ...
ရေးလက်စ ကဗျာတစ်ပုဒ်.. ..
ဇစ်ပိုမီးခြစ်တစ်လုံး...
လွင့်နေသောလိုက်ကာစများ..
ပျက်သုဉ်းခြင်းနိမိတ်ပုံ...
လေလွင့်နေသော ဂျစ်ပစီတစ်ကောင်..

အမှန်တရားဟာ အမှားတစ်ရံဖြစ်တယ်ဆိုတဲ့နောက်
ဆုတ်ကိုင်ထားသမျှကိုလွှတ်ချ
ဖြစ်ပျက်သမျှသင်္ခါရ။

နိစ္စဒူဝနေ့တွေညတွေထဲ
၈၉ ခုသောစိတ်အစဉ်များ ပြေးလွှားအလုပ်ရှုပ်
ခြေလှုပ်လက်လှုပ်မှ ပါးစပ်လှုပ်ရ

ဖြစ်တည်ခြင်းသံသရာမှာ
အဖန်တရာတေအောင်နစ်မြော
လူဖြစ်ရတာ မောတယ်

တကယ်တော့....
ဘဝဆိုတာ....
အလင်းနဲ့အမှောင်အချိုးကျစပ်ထားတဲ့
ပန်းချီကားတစ်ချပ်ပဲ..။ ။

သစ္စာခ
18/2/2013(MON)

တေလေ (၂)


တစ်လှေလုံးကိုပုပ်စေမယ့် ငါးခုံးမတစ်ကောင်ဟာ ကျွန်တော်ပါမေမေ
အရှိုးရာပရပွနဲ့ကျောပြင်ထက်မှာ မေမေ့အငြိုးတွေကိုထုပ်ပိုးလို့
ကမ္ဘာဆုံးထိအောင် မရပ်မနားပြေးထွက်သွားချင်မိတယ်
နင့်ကိုမြင်ရင် င့ါရင်ထဲမှာ နေလိုမီးလိုပူတယ်ဆိုတဲ့မေမေ့ကို
ငြိမ်းချမ်းအေးမြစေချင်လွန်းလို့။

လူ့လောကထဲရောက်ရှိလာခြင်းအတွက်
တခမ်းတနားကြိုဆိုမယ့်လူ တစ်ဦးတစ်ယောက်မှမရှိဘူး
(ရုပ်ရှင်တွေထဲကလိုမျိုး)
မွေးခန်းဘေးမှာယောက်ယက်ခတ်နေမယ့်
ကျွန်တော်တစ်သက်လုံးသုံးနှုန်းခွင့်မရတဲ့ဝေါဟာရပိုင်ရှင်လည်းမရှိဘူး
မဲ့ရွဲ့ မေးငေါ့ မျက်စောင်းထိုး ဖေ့စ်အိတ်စ်ပရက်ရှင်(face expression)အမျိုးမျိုးအောက်မှာ
ဘ၀ရဲ့အစက အဲ့ဒီလိုလှခဲ့တယ် မေမေ။

ဒေါင်းယောင်ဆောင်သူတွေကြားမှာ ကျွန်တော်ကကျီးမည်းတစ်ကောင်ပါ
တစ်ဖက်စောင်းနင်းဖြစ်နေတဲ့လှေနံဓားထစ်အမြင်တွေကို ကျားကန်ဆန့်ကျင်ဖို့
ခေါက်ရိုးကျိုးအတွေးတွေကို အချိုးဖျက်နေထိုင်ရင်း
ကလန်ကဆန်ကောင်တစ်ယောက် ဖြစ်မှန်းမသိ ဖြစ်လာခဲ့တယ်
ယဉ်ကျေးလိမ္မာမှုမရှိတဲ့သားကို ရိုက်နှက်ဆုံးမပါမေမေ။

ကျွန်တော်ဟာ မေမေ့ကိုအရိပ်မိုးမပေးနိုင်တဲ့ ထီးကျိုးတစ်လက်ပါ
ကျွန်တော်ဟာ မေမေ့အတွက် အမှိုက်တစ်စပါ
ကျွန်တော်ဟာ မေမေ့ကိုပူလောင်စေမယ့် ပြဿနာကောင်ပါ
ကျွန်တော်ဟာမေမေ့အတွက်......
ဘယ်သောအခါမှအကင်းမသေမယ့် သေရာပါအတွင်းလှိုက်အနာ.....
မေမေဘယ်တော့မှမျက်နှာမမူချင်မယ့် အရပ်မျက်နှာပါ
ကျွန်တော့်ကိုစွန့်ပစ်ပါ
ပေပေ တေတေ သေသေ နေနေ ကျွန်တော့်ကိုလွှတ်ချထားခဲ့ပါမေမေ။

အကယ်၍များသာ မေမေ့အမုန်းတွေပြေပျောက်ခဲ့ရင်လေ
မေမေ့မေတ္တာချိုချိုနဲ့ မေ့မေ့ရင်ခွင်ရိပ်မှာခို
ကျွန်တော်..........ခဏလောက်တော့ ငိုပါရစေ......။

တကယ်တော့........
တေလေတစ်ကောင်ရဲ့စည်းသတ်မြို့ရိုးမှာ
...................ပန်းမိုးတွေမရွာဘူးမေမေ။

သစ္စာခ
4/2/2013(MON)

နှင်းဆီရစ်သမ်

                         (၁)

လမ်းမှာတွေ့တဲ့လူတွေကို လိုက်မေးကြည့်ချင်တယ်

ချစ်တယ်ဆိုတာ

ကိုယ့်ကိုပြန်ချည်မယ့်ကြိုးကို ကိုယ်ကိုယ်တိုင်လွန်းထိုးရတာမျိုးလားလို့

ခင်ဗျားကို ချစ်မိခဲ့ခြင်းမှာ ကျွန်တော်ဟာ

နွံနစ်နေတဲ့သားရဲတစ်ကောင်လို ကူကယ်ရာမဲ့တယ်။

                        (၂)

သေချာတယ်.....

ကျွန်တော်က ကျွန်တော် .... ခင်ဗျားက ခင်ဗျားပါပဲ

ခင်ဗျားကကျွန်တော် ဖြစ်မလာသလို

ကျွန်တော်ကလည်း ခင်ဗျားဖြစ်မလာနိုင်ဘူး

အရာတိုင်းဟာ ပိုနေမြဲ ကျားနေမြဲပဲလေ။

                         (၃)

ရထားသံလမ်းတွေကိုမြင်ရင် ခင်ဗျားကိုသတိရတယ်

မျဉ်းပြိုင်နှစ်ကြောင်းဖြစ်ခဲ့ရင်လည်း ဇလီဖားတုံးတွေနဲ့ ထောက်ကန်ထားလို့၇တာပဲလို့

တကယ်တမ်းတော့

ကျွန်တော်ကမှန်တစ်ချပ်ဖြစ်ပြီး ခင်ဗျားက ယိုင်လင်းတန်းတစ်ခုသာဖြစ်တယ်။

                        (၄)

သေငယ်ဇောနဲ့မျောချိန်အထိ ခင်ဗျားဘေးမှာ အတူရှိချင်ခဲ့ဖူးတယ်

ခင်ဗျားကိုချစ်တဲ့အကြောင်း တစ်ကမ္ဘာလုံးကြားအောင် အော်ပြောချင်ခဲ့ဖူးတယ်

ယုယစွာထွေးပွေ့ ကျွန်တော့်ရင်ငွေ့နဲ့ခြုံ ခင်ဗျားကိုလုံစေချင်ခဲ့ဖူးတယ်

အခုတော့ ငြိမ်ငြိမ်လေးပါပဲ

ခင်ဗျားအကြောင်းကိုတွေးယုံနဲ့ နှလုံးသားထဲမှာနွေးလို့

အဲ့ဒီလောက်ထိ....

ခင်ဗျားရဲ့ဖြစ်တည်ခြင်းကို ကျွန်တော်ချစ်တယ်။

                        (၅)

ဆူးများတဲ့ပန်းကိုမှ မိုက်မိုက်မဲမဲနမ်းချင်ခဲ့တဲ့အရူးပါ

မိုးဘယ်လောက်ရွာရွာ ရေဘယ်လောက်ဖြန်းဖြန်း

အဲ့ဒီမြက်ခင်းပြင်ကတော့ ဘယ်သောအခါမှ စိမ်းလန်းလာမှာမဟုတ်ဘူး

ကျွန်တော်ဟာ ခင်ဗျားအတွက်တော့ ကြက်ဥပုပ်ဘဲဥပုပ်တစ်လုံးသာဖြစ်ခဲ့တယ်.....မနှင်းဆီ။ ။


                                                                        သစ္စာခ
                                                                       1/2/2013 (Fri)

ဆံပင်ဆေးနီဆိုးထားတဲ့ မိသင်္ကြန်.. မြန်မာဆန်ဆန် ပါးကွက်ကွက်ပန်းပန်မယ်


ဒီနှစ်ပိုင်းမှာ မိသင်္ကြန်ဟာ တော်တော်ခေတ်ဆန်လာတယ်...

ပြောင်းဖူးမွှေးရောင်ဆံကေသာကို အခုနေဖြောင့်/အခုပြန်ကောက်လားကောက်ရဲ့
အရင်က သနပ်ခါးနံ့တစ်သင်းသင်းနဲ့ပါးပြင်ထက်မှာ
ဖြူနီပြာဝါ ရောင်စုံကာလာတွေခြယ်လားခြယ်ရဲ့
ဆေးမကူပဲစိုတဲ့နှုတ်ခမ်းချိုချိုမှာ စေးကပ်ကပ်နှုတ်ခမ်းနီဆိုးဆေးတွေ တင်လားတင်ရဲ့

ရွှေရည်စိမ်အလှတရားတွေအောက်မှာ မိသင်္ကြန်ဟာ
ခဲတံဒေါက်သေးသေးလေးပေါ်ခြေဖျားထောက်လို့ ခပ်မောက်မောက်လှမ်းလျှောက်နေခဲ့...
ဘယ်သူတွေမဲ့မဲ့ရွဲ့ ရွဲ့ / ဘယ်သူတွေဘယ်လောက်ကဲ့ရဲ့ကဲ့ရဲ့..
ဟိုနားက၀င် ဒီနားကထွက်....
ပြောလိုက်သေးတယ်... “ ကျွန်မတို့ ဆိုးလ်မှာ ဒါမျိုးပဲဝတ်တာ” တဲ့...။

ဒီမယ် မိသင်္ကြန်....
ထီးဟန်နန်းဟန်ကြငှာန်းဟန်နဲ့... မင်းနာမည်က မြန်မာဆန်တယ်..
မင်းဟာ မြန်မာမိန်းကလေး.... မြန်မာ့သွေးနဲ့ မင်းကိုမွေးခဲ့တာ...
မင်းကပြောမယ်... “ခေတ်ကို မျက်လုံးဖွင့်ပြီးကြည့်စမ်းပါ ဦးလေးရယ်...
သပြေခက်နဲ့ ရေပက်ရမယ့်ခေတ်က ဟိုးအတိတ်မှာကျန်ခဲ့ပြီ” လို့...

ခေတ်ကတော့ ခေတ်ပေါ့ကွယ်...
ဒါပေသိ.. “ဒူးနေရာ ဒူး၊ တော်နေရာ တော်” ...
ထိုက်သင့်အားလျှော်စွာ ဝတ်ဆင်တတ်ဖို့တော့ လိုမယ်...
ရင်ဖုံးအင်္ကျီချိတ်ထမီခေတ်မဟုတ်တောင်
တီရှပ်အင်္ကျီဂျင်းဘောင်းဘီ လောက်တော့ ဖြစ်သင့်တာပေါ့..

အခုများတော့....(မပေါ်ရုံတမယ်)
စွပ်ကျယ်ဂျိုင်းပြတ်တိုနံ့နံ့စကတ်လေးတွေနဲ့ တွန့်လိမ်ကောက်ကွေး Sexy Play တယ်ဆိုလား...
အနောက်တိုင်းယဉ်ကျေးမှုတွေကို အပေါ်ယံအရေပြားမှာခြုံ
ပယင်းရောင်မုန်တွေယစ်နေလိုက်ကြတာများ....ယိုသူမရှက်မြင်သူရှက်စဖွယ်..
သရုပ်ပျက်ဆင်ယင်မှုတွေယှက်နွယ်.... ကမ္ဘာမှာ “ဒါမြန်မာ” လို့ ချပြရမှာတောင် ရှက်တယ်..
မိသင်္ကြန်ရယ်... လော်မာစိတ်ကို သတိနဲ့ ရိတ်သိမ်းစမ်းပါကွယ်...

ကဲ..လာလာ မိသင်္ကြန်...
မင်းကိုယ်ပေါ်က ပေါင်လည်လောက်တစ်ဆက်တည်းအင်္ကျီကိုချွတ်
ယောဂီရောင်ဝတ်စုံလေးဝတ်လို့ တစ်ရက်တစ်လေလောက် ဥပုသ်စောင့်ကြမယ်
အခုသွားမယ့်နေရာမှာ သင်္ကြန်မဏ္ဍပ်ထက်မင်းရှာဖွေမရတဲ့ ငြိမ်းချမ်းမှုတွေရှိမယ်
အသံသေးအသံကြောင်အော်ဟစ်သံတွေအစား ကြည်သာချိုမြ တရားပြသံတွေရှိမယ်

လာပါ မိသင်္ကြန်ရယ်...
မင်းလက်ထဲက ဘီယာခွက်ကိုချ ငါ့လက်က မုန့်လက်ဆောင်းခွက်တွေကို မ
လမ်းထိပ်က စတုဒီသာမဏ္ဍပ်ဆီကိုသွားကြမယ်
၇၀ ကျော်ဘိုးဘွားတွေကို ငါတို့တူတူ ဦးချကန်တော့ကြမယ်...
အဲ့ဒီနေရာကရတဲ့ပီတိက ဘယ်လိုအရာနဲ့မှမလဲနိုင်ပါဘူးကွယ်...

နှစ်ဆန်းတစ်ရက်နေ့ရောက်ရင် ဇီဝိတဒါန ငါးလွှတ်ပွဲရှိတယ်..
သူတို့လေးတွေ လွတ်မြောက်ကြသလို ငါတို့လည်းလွတ်မြောက်ရဖို့
အတူတူ ဆုတောင်းကြမယ်လေ....
မြန်မာ့ရိုးရာအတာသင်္ကြန်ဟာ မြန်မာမှုမြန်မာ့ဟန်ပန်သာ လွှမ်းရမယ်မဟုတ်လား မိသင်္ကြန်...

မင်းသူငယ်ချင်းတွေကိုလည်းပြောပြ.....
Disco တီးလုံးတွေနဲ့ မြူးမြူးကြွကြွ
Street Dance /Solo / Popping တွေကြားက
မြန်မာ့ရိုးရာဒိုးပတ်ဝိုင်းနဲ့ ဦးရွှေရိုးဒေါ်မိုးကို ပြန်ဆွဲထုတ်ရမယ်
HipHop ဂီတအောက် ကွယ်ပျောက်သွားတဲ့ သင်္ကြန်သံချပ်တွေ ပြန်စပ်ကြရမယ်...

ကဲ..မိသင်္ကြန်ရေ....
မင်းဆံပင်နီကြောင်ကြောင်တွေကို ပိတုန်းရောင်ပြန်ပြောင်း
သနပ်ခါးမွှေးမွှေးကိုကျောက်ပြင်ပေါ်တင်သွေးလို့
ပိတောက်တစ်ခက်ကို ခေါင်းမှာပန်
နှစ်သစ်ကို နန်းဆန်ဆန်ကြိုမယ်..
မြန်မာမလေးတွေ မြန်မာလိုလှကြပါစေကွယ်..။ ။

သစ္စာခ
၂၇/၃/၂၀၁၃(ဗုဒ္ဓဟူးနေ့)

Sunday, February 24, 2013

မတူကွဲပြားသော



ခြံဝင်းကျယ်ကြီးတစ်ခုအတွင်းရှိ ရဲတိုက်ကြီးတစ်လုံးပမာ ကြီးကျယ်ခမ်းနားလှသော တိုက်အိမ်ကြီး၏ အိမ်ရှေ့ဆင်ဝင်အောက်တွင် ဖိတ်ဖိတ်တောက်ပြောင်လက်နေသော အနက်ရောင် လင်ခရူဆာကားကြီးတစ်စီး ထိုးရပ်လာသည်။ ကျွန်တော်ကျောင်းသွားရတော့မည်။


          “သားသားရေ…ကျောင်းမှာ မတည့်တာတွေဝယ်မစားနဲ့နော်.. ခြင်းထဲမှာ ထမင်းချိုင့်ရော မုန့်ဘူးရော မေမေအပြည့်အစုံထည့်ပေးလိုက်တယ်… သားသားကြိုက်တဲ့ကြက်သားကြော်ရယ် ပုစွန်တုတ်ကြီးတွေကို ငရုတ်သီးနဲ့ဆီပြန်ချက်ထားတဲ့ဟင်းရယ်၊ မှိုကန်ဇွန်းဟင်းလေးရယ်၊ ကြက်သားကုန်းဘောင်ကြီးကြော်ရယ်… အအီပြေ မရမ်းသီးထောင်းလေးပါထည့်ပေးထားတယ်.. ထမင်းကိုကုန်အောင်စားလာခဲ့နော် သားသား… အစားများများစားမှ အားရှိမှာ… ဒီနေ့ညနေကျူရှင်မ၇ှိဘူးမဟုတ်လား…. သားဖေဖေပြန်လာရင် ဆီဒိုးနားမှာ ဘူဖေးသွားစားကြမယ်… နော် သားသား… ရွှေမိရေ… ဒီမှာ ခြင်းလာယူပြီး ကားထဲသွားထည့်လိုက်… ဟင်…သားသားဖိနပ်မှာ ဖုန်တွေပေလို့ပါလား …ကြည့်စမ်း….
 အေးမ………….အေးမ ………..လာဦး… အဲ့ဒီမှာကြည့်စမ်း…..ဖုန်တွေပေလို့ပါလား…. ဘာလဲ…ညည်းက ကလေးဖိနပ်မို့အလေးမထားတာပေါ့လေ…. ဟုတ်လား…. ဟယ်….သားသားအင်္ကျီမှာလဲ မင်ခြစ်ရာကြီး……..အဲ့ဒီအင်္ကျီကို ကိုသာမြရဲ့တူလေးကိုပေးလိုက်ပါလို့ပြောထားတာ မပေးဘူးလား… ကဲ…..အေးမရေ…. အထုတ်သာပြင်တော့… ဒီတစ်ပတ်ညည်းဒေါ်ကြီးလာ၇င် ပြန်ထည့်ပေးလိုက်တော့မယ်… ရွာရောက်မှ နေပူကြဲကြဲထဲမှာ ကောက်စိုက်ပျိုးနှုတ်ပေါ့အေ…. ညည်းတို့တွေက နေရိပ်ထဲမှာ အေးအေးလူလူသက်သက်သာသာလုပ်နေရရင် လက်ကြောကတင်းကြတာမဟုတ်ဘူး…”

ဒါကတော့နေ့တိုင်းကြားနေကျဖြစ်တဲ့ မေမေ့၇ဲ့နံနက်ခင်းချိန်ခါတေးသံသာပါ။ ထုံးစံအတိုင်း မေမေ့ကို အနမ်းဖြင့် နှုတ်ဆက်ပြီး ကားဆီသို့ထွက်လာခဲ့သည်။ ကျွန်တော့်နောက်မှာတော့ ကျောပိုးအိတ်ကို ကိုင်လာသူက တစ်ယောက်၊ ကျွန်တော့်ထမင်းချိုင့်နှင့် မုန့်ဘူးကို ကိုင်လာသူက တစ်ယောက်။
အဆင်သင့်တံခါးဖွင့်ပေးထားသော ကားတွင်းသို့ ကျွန်တော်ဝင်လိုက်သည်နှင့်တစ်ပြိုင်နက် ကားကြီးက ငြိမ့်ကနဲထွက်သွားလေသည်။

                                                      *************

ငြိမ့်ကနဲနေသောခံစားမှုနှင့်အတူ ကျွန်တော့်ခန္ဓာကိုယ်တစ်ခုလုံး နာကျင်သွားသည်။ လူးလဲကာထလိုက်တော့ နဂိုအိပ်နေသော လှေကားထစ်နှစ်ဆင့်မှပြုတ်ကျခြင်းဖြစ်ကြောင်းသိလိုက်ရသည်။

          “ဟဲ့အကောင်…နင်က ဒီမှာလာပီး စက်တော်ခေါ်နေတယ်ပေါလေ… ဒီနေ့နေ့တွက်ဖြင့်မကိုက်သေးဘူး… ထဟဲ့…ဟိုမှာ ကားတစ်စင်းဆိုက်လာပြီ… သွက်သွက်ကလေးသွား…အော်…. သွက်သွက်သွားပါဆိုကာမှ လေးတိလေးတွဲနဲ့…. နင်တော့ ..နာတော့မယ်…”

ဒေါက်ကနဲခေါင်းပေါ်ကျလာသော အမေ့လက်ခေါက်နှင့်အတူ နောက်ဆက်တွဲပါလာသောအမေ့အသံစူးစူးကြောင့် ကျွန်တော့်မျက်လုံးကိုပွတ်သပ်ကြည့်လိုက်မိသည်။
ကျွန်တော်ရောက်နေတာ ခမ်းနားထည်ဝါသော တိုက်အိမ်ကြီးတစ်ခုအတွင်းတွင်မဟုတ်ပဲ လူအများ ဥဒဟိုသွားလာနေကြတဲ့ ဘတ်စကားဂိတ်တစ်ခုဖြစ်နေပါလား။ အနက်ရောင်ပြောင်နေသော ကားအကောင်းစားကြီးရော ဘယ်ရောက်သွားပါလိမ့်။ သြော်…ကျွန်တော်အိပ်မက်မက်နေတာပဲ။
ကိုယ့်အတွေးနှင့်ကိုယ်ပြုံးလိုက်မိပြီး  ခေါင်းကိုတစ်ချက်ယမ်းကာ အိပ်နေရာမှ အမြန်လူးလဲထလိုက်သည်။ ယခုမှ ဆိုက်လာသောကားဆီသို့ အပြေးတစ်ပိုင်းခြေလှမ်းများဖြင့်သွားကာ ထိုကားနောက်မြီးပေါ် တွဲလောင်းခိုတက်လိုက်ပီးနောက် ကျင့်သားရနေသောစကားတစ်ခွန်း ကျွန်တော့်နှုတ်ဖျားမှ အလိုလိုထွက်ကျလာသည်။

” အစ်ကိုကြီးအစ်မကြီးတို့ရယ်…ထမင်းဖိုးလေး သနားကြပါခင်ဗျာ။။။”


                                                                                                                                   သစ္စာခ
                                                                                                                                 ၆ သြဂုတ် ၂၀၁၂

တိမ်ရောင်ပြောင်းတဲ့ကြယ်

မွေးကတည်းက ဘီလူးနက္ခတ်နဲ့စန်းယှဉ်
မာန်နတ်လိုစိတ်အလျဉ်နဲ့
မငိုဖြစ်အောင် အံကြိတ်တင်းခံခဲ့တဲ့ အင်္ဂါသားရာဇဖွားပါမေမေ။

ပေဖြစ်တုန်း“ခံ” တူဖြစ်တော့ပြန်မ“နှံ”ဖြစ်ခဲ့ပေမယ့်
အခုတော့....
ခန္တီပါရမီကို စနက်တံဖြုတ်
အစွယ်ချိုးထားတဲ့မာန်ကို ပြန်ထုတ်လို့
အာဃာတတရားကိုချိန်ကိုက်ဗုံးလုပ်တော့မယ်
ကျွန်တော့်ကိုအပြစ်မတင်ပါနဲ့မေမေ။

သမင်မွေးရင်း ကျားစားရင်းဘဝတွေထဲမှာ
အမြီးကျက်ရင်အမြီးစား ခေါင်းကျက်ရင်ခေါင်းစား
ကိုယ်ချင်းစာတရားထားလေလေ
ဆုံးရှုံးမှုပိုများလေလေပဲ....။

လူ့အလိုနတ်မလိုက်နိုင်တဲ့ဟောဒီလောကကြီးထဲမှာ
သူများငိုငို မငိုငို
ကိုယ့်အတ္တနဲ့ကိုယ်ချိုတာ ပိုကောင်းတယ်။

မစိုးရိမ်ပါနဲ့မေမေ........
သိုးယောင်ဆောင်တဲ့ဝံပုလွေတွေ ပြည့်ကျပ်နေတဲ့ လူ့အဖွဲ့အစည်းမှာ
ရပ်တည်စရာတစ်နေရာစာကျန်ဖို့
ကျွန်တော် ယုန်ဖြူတစ်ကောင် စုန်းယောင်ဆောင်တော့မယ်။ ။

သစ္စာခ
23/2/2013(SAT)

Tuesday, February 19, 2013

မြို့ပြည

အဲ့ဒီညက...
ယိုယွင်းစပြုနေတဲ့ မြို့ရန်ကုန်ရဲ့အဆိပ်တက်လမ်းမတွေထက်မှာ
မျှော်လင့်ခြင်းတွေကိုထုတ်ပိုး ဘ၀ကသိပ်ကို သမားရိုးကျဆန်တယ်။

အဲ့ဒီညက...
ဝတ်လစ်စလစ်ကောင်းကင်ကမြေကဗ္ဗလာကိုအမှောင်ဖုံး
တက်တူးထိုးသလိုပြင်မရတဲ့အရှုံးတွေနဲ့
(နီယွန်မီးရောင်အောက်မှာ)
ပလက်ဖောင်းပေါ်ကကိုယ်ကျင့်တရားတွေခဏခဏပျောက်ရှတယ်။

 အဲ့ဒီညက....
ပြာလဲ့လဲ့ဆလိုက်မီးတွေကြားမှာစည်းချက်ကျကျကခုန်
ဘ၀ရဲ့နိဗ္ဗာန်ဘုံမှာ
သွေးသားဆာလောင်မှုနောက်ကောက်ကောက်ပါအောင်လိုက်လို့
ရမ္မက်မုဆိုးတွေရဲ့ပိုက်ကွန်ထက် လိပ်ပြာလေးတစ်ကောင် အတောင်ကျိုးသွားတယ်။

အဲ့ဒီညကပဲ.....
နှင်းဆီတစ်ခင်းအောက်မှာ ကျွန်တော်လမ်းပျောက်ခဲ့တယ်မေမေ။

သစ္စာခ
18/2/2013 (MON)

Friday, February 8, 2013

PrintScreen (မိမိကြည့်နေတာတွေကိုပုံထုတ်ပီးသိမ်းထားချင်တယ်ဆိုရင်)

ဒီဆော့ဖ်ဝဲလေးက....အရမ်းအသုံးဝင်ပါတယ်..
အသုံးပြုရတာလဲလွယ်ကူပါတယ်..
ဆောင်ထားသင့်တဲ့ဆော့ဖ်ဝဲလေးပါ.

ဒီမှာနှိပ်လိုက်ပါ

Reg Cleaner -ကွန်ပျူတာကိုပေါ့ပါးစေမဲ့ဆော့ဖ်ဝဲကောင်းလေးပါ.

ကွန်ပျူတာကိုပေါ့ပါးစေမယ့်ဆော့ဖ်ဝဲအများထဲမှ ကောင်းတာလေးတစ်ခုပါ.
အသုံးပြုနည်းကအရမ်းလွယ်ကူနေလို့တင်မပေးတော့ဘူး..
လိုချင်ရင်အောက်မှာဒေါင်းယူလိုက်ပါ

ဒီမှာနှိပ်လိုက်ပါ

အဆင်ပြေကြပါစေခင်ဗျာ

ManyCam (webcamနဲ့ချက်ချင်တဲ့သူချင်းတွေအတွက်)

 ManyCam ဒေါင်းရန်ဒီမှာနှိပ်ပါ

မူးရင်းလင့်ခ်ပါ

 အဆင်ပြေကြပါစေခင်ဗျာ

ManyCam brief feature list:

  • ManyCam Studio Pro turns ManyCam into a Pro video switcher with transitions and more!
  • HD Video Support and Broadcasting.
  • Record video and audio to your hard drive.
  • IP/Web-based cameras support.
  • Quickly take photo snapshots with one click, or use the pull-down for time delayed snapshots.
  • Ability to capture and display specific applications.
  • Zoom feature for desktop broadcasters.

Minimal System Requirements:

Microsoft Windows 2000, 2003, XP, Vista, Windows 7, Windows 8 (x86,x64)
Intel Celeron 2GHz or Faster Processor
512 MB RAM

Recommended System Requirements:

Microsoft Windows XP, Vista, Windows 7, Windows 8 (x86,x64)
Intel Core i3 or Faster Processor
2 GB RAM

Thursday, January 31, 2013

ပစ္စက္ခရာသီ


ယမ်းနံ့တသင်းသင်းနဲ့လေညင်း...
သွေးနီရောင်ရာသီဥတု....
တစ်ဖြည်းဖြည်းပါးလျလာတဲ့ အိုဇုန်းလွှာ..
ကိုယ်ချင်းစာတရား ခေါင်းပါးလာတဲ့ လူ့အဖွဲ့အစည်း..
ဆိုင်းဘုတ်ပေါ်ကလူ့အခွင့်အရေး..
အောက်ဆီဂျင်တွေမသန့်တော့တဲ့ ဟောဒီခေတ်ကြီးမှာ
လူဖြစ်ရတာ “ နာ” တယ်။

အင်နိုဗေးရှင်းမသိ
ဂလိုဘယ်လိုက်ဇေးရှင်းမသိ
ကိုဖီအန်နန်မသိ
ဟီလာရီကလင်တန်မသိ
မရှိခြင်းတရားတွေဖောင်းပွနေတဲ့ ဘဝထဲမှာ
ဆန်အိုးထဲကအဝါပေါက်ဆန် မနက်ဖြန်ကျန်ဖို့ထက်သာလွန်ပြီး
ဘယ်ပြုပြင်ပြောင်းလဲခြင်းမှအရေးမကြီးဘူး။

ကောက်ပင်တွေကလည်းပျက်
ပွဲစားတွေကလည်းခက်တယ်...
မြို့ကိုပို့တော့ ဆန်တစ်အိတ်တစ်သောင်းနှစ်သောင်း
ကျုပ်တို့ကိုကျအလီလီထုထောင်းလို့
ဝတ်ကောင်းစားလှဆိုတာ ကျုပ်တို့နဲ့လားလားမှမဆိုင်
(ဒီမှာများတော့)
တစ်ဝမ်းတစ်ခါးတောင် အနိုင်နိုင်။

အနာဂတ်တွေဟာလည်း ခပ်ယိုင်ယိုင်ပါပဲ
တုံးခုပြီးမလှမ်းနိုင်တဲ့ ပညာရေးစနစ်ကြီးထဲမှာ
ကျုပ်သမီးလေးခမျာ
စာသင်ခန်းကိုသွားစရာ
ခြေမှာဗလာ အသပြာနတ္တိ
(ပညာတတ်ကြီးဖြစ်ဖို့)
အိပ်မက်တောင်မက်ခွင့်မရှိရှာဘူး။

ပေါင်မုန့်မရှိရင် ကိတ်မုန့်စားဖို့နေနေသာသာ
မိုးမလုံတဲ့ ကြယ်မြင်လမြင်အိမ်ဂေဟာမှာ
နေ့တိုင်းနေ့တိုင်းအသက်ဆက်စရာ
ထမင်းအနပ်မှန်မလားတောင် အစိုးမရတဲ့အခါ
ကျားကန်ထူမတ်ထားရတဲ့ စိတ်ဓာတ်တွေဟာလည်း
(တစတစနဲ့ ...)
ခြေကုန်လက်ပန်းကျချင်လာတယ်။

ဘဝတွေက အဝီစိနဲ့မြင်းမိုရ်တောင်
ဘယ်လိုမှညီမျှခြင်းဆောင်မရတဲ့ စနစ်ဆိုးကြီးထဲမှာ
အဂတိလိုက်စားမှုတွေကို ဆန်ကာနဲ့စစ်ချ
ညစ်နွမ်းနေတဲ့သီလတွေကို မဲနယ်ဆိုး
(နေရာတကာမှာ)
ကျားဆိုးတွေ စိုးမိုးနေလိုက်ကြတာများကွယ်....
အောက်ဆီဂျင်တွေမသန့်တော့တဲ့ ဟောဒီခေတ်ကြီးထဲမှာ
လူဖြစ်ရတာ သိပ်ကို  “ နာ” တယ်။ ။


သစ္စာခ
10/1/2013

တေလေ (၁)


ကျွန်တော်က ထမင်းသိုးဟင်းသိုး
မေမေ့အတွက် ဒုက္ခအိုးလေးပါမေမေ..
လမ်းသစ်ကိုဖောက်ဖို့နေနေသာသာ
လမ်းဟောင်းကိုတောင်မပျောက်အောင် စမ်းတဝါးဝါး
လူတကာနင်းပြားဘဝမှာ
ဘယ်ကံတရားကမှကိုယ့်ဘက်မပါခဲ့ဘူး။

ဘ၀မှာ အနက်ရောင်ခပ်များများနဲ့ကောင်ပါ
လမင်းကို တုံးခုလှမ်းဖို့မဆိုထားနဲ့
ကြယ်ကြွေတွေကောက်ဖို့တောင် ပလိုင်းကပေါက်နေခဲ့တယ်။

မှိုတက်နေတဲ့ပစ္စုပ္ပန်တွေထဲကနေ
မနက်ဖြန်တွေကို ချောင်းကြည့်စရာ
မှန်ပြောင်းတစ်လက်လောက်တော့လိုချင်တယ်မေမေ
ဘဝရဲ့ဘယ်အစိတ်အပိုင်းမှာ ရာသီဥတုသာယာနေမလဲဆိုတာ
ကျွန်တော်သိချင်လို့။

သုညတစ်လုံးအဖြစ်နဲ့ကျောခင်းပေးခဲ့တာတောင်
ကိုယ့်ကိုအမှီသဟဲပြုမယ့် ကိန်းဂဏန်းတစ်ခုမှရှိမလာဘူး
တန်ဖိုးမဲ့ချင်းတူတူမှာလည်း
မျက်နှာကြီးရာကိုမှ ဟင်းဖတ်တွေကပိုပါတယ်မေမေ။

ဘရန်းဒက် (Branded)တွေ စတန်းဒက်(Standard)တွေနဲ့
ကိုယ့်ကိုယ်ကိုထက် သူတို့ကိုသာပဋိသန္နာရစကားဆိုခံနေရတဲ့
ရေပေါ်ဆီဘဝတွေကြားမှာ
ကတ္တီပါဖိနပ်နောက်မြီးပြတ်ကို ချိတ်အထပ်ထပ်တွယ်
ဖျင်ကြမ်းတစ်ထည်နဲ့ လွယ်အိတ်စုတ်ကိုလွယ်
မြို့ပြညရဲ့လမ်းတွေပေါ်မှာ ခရီးပြင်းနှင်ခဲ့ဖူးတယ်။

ဘဝသာ ကော်ဖီတစ်ခွက်ဆိုရင်
အစောကတည်းက ကျွန်တော်သွန်ပစ်ခဲ့ပါတယ်...

အခုတော့....
လေပြည်လာဖို့မုန်တိုင်းထန်သလားတွေးရအောင်လည်း
မီးကျိုးမောင်းပျက်နေ့တွေညတွေမှာ ဘယ်နေလမှ လာမသာဘူး။

တေလေတစ်ကောင်ရဲ့အနာဂတ်ဟာ
မှောင်ပြီးရင်းကိုမှောင်တယ်....မေမေ။ ။

သစ္စာခ
28/1/2013(MON)