စောင်းကြိုးပြတ်သံစဉ်

                      (၁)

" အ " လို့ “ ချစ် ” တာမဟုတ်ဘူး မစပါယ်
မင်းပေးမယ့်ခွန်အားတွေနဲ့
ဘ၀သစ်တစ်ခုကို “ စ “ မလို့ “ ချစ် ” ခဲ့တာ......။

                     (၂)

ငါက....
ဘ၀မှာ အနက်ရောင်ခပ်များများနဲ့ကောင်
မင်းချစ်ခြင်းအရောင်နဲ့
တစ်ကြိမ်တစ်ခါလောက် တောက်ပြောင်ခဲ့ချင်တာ
အခုတော့....
စိတ်ကူးထဲက ရွှေအိုရောင်အိပ်မက်တွေပျက်သုဉ်း
ဒီစီးချင်းမှာ (ငါ) သာသာယာယာ ကျရှုံးတယ်...။

                    (၃)

ငါက....
စံပယ်ဖြူလွလွလက်တစ်ခုပ်စာကိုသာ
မင်းကေသာထက်မှာ တယုတယပန်ပေးနိုင်ခဲ့သူပါ...
မင်းနှစ်ခြိုက်စရာ ဂုဏ်အရှိန်အ၀ါဆိုတာ
တစိုးတစိလေးမှ ငါ့မှာမရှိဘူးကွဲ့....
မင်းကိုတင်တောင်းစရာ အိပ်မက်တစ်ဆင်စာပဲ
ငါချမ်းသာတယ်...။

                     (၄)

ဟုတ်တော့လည်းဟုတ်ပေသားပဲကွယ်...
(မင်းပြောဖူးသလို...)
ရိုမန်တစ်ဆန်ဆန်ချစ်ပြရအောင်လည်း
မင်းနဲ့ငါဟာ
ရှိတ်စပီးယားဇာတ်လမ်းထဲက ဇာတ်ဆောင်တွေမှမဟုတ်ကြတာပဲ..။
မင်းဘ၀နဲ့မင်း အသားတကျစီးဆင်းပြီးမှတော့
င့ါပယောဂကြောင့် နောက်ဆံမတင်းစေချင်ဘူး..။

                    (၅)

စွန့်လွှတ်ခဲ့ပြီးသော င့ါရဲ့ကတ္တီပါအတိတ်ဟောင်းလေးရေ
အမှတ်မဲ့စွာထုတ်ကြည့်မိလေတိုင်း
ဝဲဘက်ရင်အုံက “ဆစ်ကနဲ” နာ
မင်းကို ငါ....
မကြာ မကြာ.... လွမ်းတယ်....။ ။

သစ္စာခ
21 Dec 2012 (Wed)