တာရာမင်းဝေ

ငါကတော့မြက်ဖိနပ်နဲ့
ဒါပေမယ့်
မြင်းမိုရ်တောင်ကိုလည်းလိုက်တက်ခဲ့မယ်
သွားနှင့်ကြပါ ။

ဟိုးမှာ
ဘုရားသခင်ရှေ့တော်မှောက်က
အိပ်မက်တွေဒူးထောက်လဲကျနေတဲ့သူ
သူ့ကို ကူပါရစေဦး ။

ငါ့ရှင်တို့က ဘာလဲ
ငါက ဘာလဲ
နာမည်တွေကို မြေကြီးပေါ်ပစ်ချပြီး
လှလှပပ ပြိုင်ရဲပါတယ်
တစ်နေ့တော့ တွေ့ကြမယ်။

နှစ်ဖက်သွား ဓားတစ်လက်လို
ပြိုးပြက်ဝင်းဖိတ်
သုညဂူမှာလည်း ငါမှေးမှိတ်ခဲ့ပြီးပြီ။

အိမ်အပြန်လမ်း
အမေနဲ့တွေ့မှ နမ်းမယ့်
ငြိမ်းချမ်း နှင်းဆီ
ငါ့ရင်ဘတ်မှာ
သွေးတစ်စက်လို နီနေတယ်။

ဟေး ပင်လယ်
ဟေး .. . လှဲအိပ်နေတဲ့ပင်လယ်
ခုထစမ်း
သင့်ဆီငါလာတယ်။ ။

(တာရာမင်းဝေ)

ဆရာ့ရဲ့ ပန်းခေတ်ကလမင်း ၀တ္ထုထဲက ကဗျာပါ။