တေလေ (၁)

ကျွန်တော်က ထမင်းသိုးဟင်းသိုး
မေမေ့အတွက် ဒုက္ခအိုးလေးပါမေမေ..
လမ်းသစ်ကိုဖောက်ဖို့နေနေသာသာ
လမ်းဟောင်းကိုတောင်မပျောက်အောင် စမ်းတဝါးဝါး
လူတကာနင်းပြားဘဝမှာ
ဘယ်ကံတရားကမှကိုယ့်ဘက်မပါခဲ့ဘူး။

ဘ၀မှာ အနက်ရောင်ခပ်များများနဲ့ကောင်ပါ
လမင်းကို တုံးခုလှမ်းဖို့မဆိုထားနဲ့
ကြယ်ကြွေတွေကောက်ဖို့တောင် ပလိုင်းကပေါက်နေခဲ့တယ်။

မှိုတက်နေတဲ့ပစ္စုပ္ပန်တွေထဲကနေ
မနက်ဖြန်တွေကို ချောင်းကြည့်စရာ
မှန်ပြောင်းတစ်လက်လောက်တော့လိုချင်တယ်မေမေ
ဘဝရဲ့ဘယ်အစိတ်အပိုင်းမှာ ရာသီဥတုသာယာနေမလဲဆိုတာ
ကျွန်တော်သိချင်လို့။

သုညတစ်လုံးအဖြစ်နဲ့ကျောခင်းပေးခဲ့တာတောင်
ကိုယ့်ကိုအမှီသဟဲပြုမယ့် ကိန်းဂဏန်းတစ်ခုမှရှိမလာဘူး
တန်ဖိုးမဲ့ချင်းတူတူမှာလည်း
မျက်နှာကြီးရာကိုမှ ဟင်းဖတ်တွေကပိုပါတယ်မေမေ။

ဘရန်းဒက် (Branded)တွေ စတန်းဒက်(Standard)တွေနဲ့
ကိုယ့်ကိုယ်ကိုထက် သူတို့ကိုသာပဋိသန္နာရစကားဆိုခံနေရတဲ့
ရေပေါ်ဆီဘဝတွေကြားမှာ
ကတ္တီပါဖိနပ်နောက်မြီးပြတ်ကို ချိတ်အထပ်ထပ်တွယ်
ဖျင်ကြမ်းတစ်ထည်နဲ့ လွယ်အိတ်စုတ်ကိုလွယ်
မြို့ပြညရဲ့လမ်းတွေပေါ်မှာ ခရီးပြင်းနှင်ခဲ့ဖူးတယ်။

ဘဝသာ ကော်ဖီတစ်ခွက်ဆိုရင်
အစောကတည်းက ကျွန်တော်သွန်ပစ်ခဲ့ပါတယ်...

အခုတော့....
လေပြည်လာဖို့မုန်တိုင်းထန်သလားတွေးရအောင်လည်း
မီးကျိုးမောင်းပျက်နေ့တွေညတွေမှာ ဘယ်နေလမှ လာမသာဘူး။

တေလေတစ်ကောင်ရဲ့အနာဂတ်ဟာ
မှောင်ပြီးရင်းကိုမှောင်တယ်....မေမေ။ ။

သစ္စာခ
28/1/2013(MON)